Карысны адпачынак
“Як хораша восенню ў парку! У паветры, нібы гарэзлівыя птушачкі, кружацца ў развітальным вальсе рознакаляровыя лісточкі; лятае павуцінка, далікатна казыча твар і хуценька зноў знікае. А бярозкі-прыгажуні нібы хваляцца сваім залатым убраннем… Колькі цікавага можна ўбачыць, калі ўважліва прыгледзецца і прыслухацца да прыроды!” – менавіта так разважалі навучэнцы падчас экалагічнай гульні “Павуціна”. Іх чакалі “экалагічныя” загадкі, цікавыя гісторыі аб насельніках лясоў і паркаў, рухомыя гульні.
А каб наш парк прыгажэў і маладзеў, навучэнцы прынялі ўдзел у акцыі “Пасадзі дрэўца”. Дзве маладзенькія елачкі і сасонка з’явіліся ў зялёнай паркавай сям’і. Актыўнымі ўдзельнікамі мерапрыемства сталі наступныя навучэнцы: Глякоўскі Максім, Ларчанка Аляксандра, Ляпешка Аліна, Несцерык Данііл, Бабаш Аліса, Пакачайла Кацярына.
А тыя навучэнцы, якія любяць паходы, вучыліся правільна расстаўляць турыстычную палатку. Кансультантамі ў гэтай цікавай справе сталі ўдзельнікі гуртка “Турысцяты.”
А пад нагамі ціхенька шасцела апалае лісце…
