2 красавіка выхаванцы лагера пабывалі на станцыі "Турыстычная". Была арганізавана экскурсія ў сядзібу Багудзенкі, дзе дзеці пазнаёміліся з гісторыка-культурным помнікам 19 стагоддзя. Асабліва хлопчыкаў і дзяўчынак уразіла архітэктура сядзібы, яе непаўторнасць веж і драўлянай разьбы. Экскурсія завяршылася вясёлым пікнічком “Турыстычны дзянёк”. Пасля апетытнага перакусу прайшла гульня “Патрэбны рукзачок” і была развучана турыстычная песня “Эх, бульбачка”. Сваю кемлівасць, крэатыўнасць выхаванцы паказалі ў інтэлектуальнай гульні “У коле сяброў”. Самымі цікавымі, на думку дзяцей, былі гульні “Рэха”, “Вазьмі прыз”. Увесь дзень у выхаванцаў быў бадзёры, вясёлы настрой. Так трымаць!
